رفيق العمر

باحب النشيد ده اوووووووي يا بنات
يالا عشان مش تقولوا اني حرمتكوا من حاجه

ليله العيد -2

كنت زمان ه من فنره كتبت عن ليله العيد الصغير دلوقتي ايها البنات الاعزاء نود ان نحكي لكم عن العيد الكبييييييييييير از بمعني اصح العيد بتاع الخروف

=======
طبعا زي ما قلت لكوا ان انا باتعامل مع انجي بجزء كبييييير من الديمقراطيه فقررت اني اكرر موضوع خروج ليله العيد ده كل عيد مع انجي مهما حصل ان شاء الله
المهم اتفقنا انا و ستكم انجي ننزل نتمشي الساعه 7 و كانت في خطه قااااااتله ان احنا ناكل كشري و انا حطيت اماااااااال كبيره و فطرت اي كلام مع قرايبنا عشان هاكل كشري و فجأه جت المفاجأه الصادمه من اللي اسمها انجي دي ان احنا مش هناكل و طبعاااا كنت طول ما احنا بنتمشي جعااااااانه و كنت علي وشك اني اعمل لها فضيحه
المهم يعني بجد حسيت ان احنا عملنا حاجات كتيييييييييييييييير ف وقت قليل و كنت مبسوطه اوي
نزلنا نتمشي شويه كنت عاوزه اجيب حذاء انتوا عارفين نضافه العيد بقي المهم روحنا كده شارع الهرم و ماحدش يفهم غلط كان اول الهرم و اتفرجت كده علي 3 محلات و مش عجبني حاجه طبعا انجي كانت هتقتلني انه 3 محلات مش عاجبني حاجه روحنا عند عمو بتاع قصب باحب اشرب من عنده عشان بيفكرني بأيام البراءه لما كنت ف اعدادي و ما قبلها
المهم جبنا بتاع كده عجيبه كان طعمها تحفففففففففه لدرجه ان انا و انجي بعدها روحنا نشرب حاجه تانيه عشان نغير طعم البتاع العجيبه دي
المهم يعني كان المفروض اعزم انجي بس كانت مش عزومه كامله يعني هي برضه شاركت ب نص جنيه

المهم يعني جت ف دماغ انجي فكره شريره و روحنا فيصل مش هاقول ايه الفكره طبعااااا المهم عملناها و في الاخر بعد كل ده افتكرت اني كنت عاوزه اجيب حذاء يا عياااال المهم جبت بتاعه فظيعه اوي لدرجه ان سامي احم قصدي بابا يعني قال لي ان اول مره اجيب حاجه عدله " بيعزني اوي سمسم ده"

بجد يا انو كان يوم فظييييييييييييييييييييييييييييييييييييييييييييييع ربنا ما يحرمني منك ابداااااااااااااااااااااا

يالا

بخصوص المناسبه السعيده قررت ان اتنازل و اهدي الورد ده للمحروسه احم قصدي اللي ف بالي يعني

==========

مبرووووووووووووووووووك

أيـهـــا الـســــاده الــكـــرام

يا بنات حاسبات احسن بنات ف الدنياااااااااا
" اكيد بس عشان انا ف حاسبات"

من موقعي هذا
لا
لا
لا
بلاش الكلام الكبير ده
بصوا بقي
بصوا جامد
اكتر
اكتر

عاوزه اقول لواحده هي مش صاحبتي هي اختي بجد

اقول لها
10000000000000000000000000000000000000000000000000000000000000
مبروك
و طبعا هاقول عقبالنااااااااا

و مش هاقول كلام اكتر من كده الحدق يفهم يا عيال

سخافه

لما تحس ان اللي قدامك مش مهتم بيك و مش بيراعي مشاعرك
احساس سخييييييييييييف اوي يا بنات

لما تحس بعدم أهميتك بالنسبه للشخص ده بالرغم انه مش قالها بس تحسها من تصرفاته
احساس سخييييييييييييف اوي بنات

و الاسخف انك مش قادر تواجه باللي جواك لموانع كتييييييييييير

اجاااااااااااااااااااااااازه

السلام عليكم و رحمه الله و بركاته

اجاااااااااااااااااااازه الظاهر يا عيال ان الكلمه دي لسه موجوده مش اتلغت من المعجم

انا كنت عندي شك ف الموضوع جه بس الظاهر فعلا ان احنا اخدنا الاجازه المهم بقي يا بنات الواحد عاوز يعمل حاجات فظيييييييعه من فتره تسليم المشاريع كده الواحد نفسه يعمل حاجات كتيييييييير كل حاجه يقول ف الاجازه لحد لما كتبتهمبقوا حوالي 15 حاجه محترمين كل نقطه عاوزه اجازه لوحدها

المهم بجد احساس جميل اوي كده و انا قاعده مع بابا و ماما و اخويا ف البيت كده يااااااه و امبارح روحت لاختي و لعبت مع الاطفال بجد مش مصدقه نفسي للاسف في حاجات جميله الواحد بيفتقدها ف ايام الدراسه

بس بجد انا باصحي عشان انا عاوزه اصحي مش عشان ورايا مذاكره او ماده قبلها يوم واحد او عشان اكمل مشروع صحيح الواحد بيصحي عشان هدف يحققه ف اليوم بس مش بيكون بالقهر بتاع الدراسه برضه بيكون هدف بتاعي انا اللي محدداه انا اللي حاطه خطوطه

المهم يا بناااااااااااات احنا ف اجازه مش عاوزه حد يخلي ف نفسه حاجه اللي نفسه ف حاجه يعملها

ضعف

السلام عليكم و رحمه الله و بركاته

يا عيااااااااااااااااااااال جوايا كده احساس فظيييييييع من فتره بس للأسف كان ف خلال فتره الإمتحانات هو كان مأثر عليه بس كنت باحاول اتعايش مع الوضع خصوصا ف اخر فتره ف الامتحانات كان بين الامتحانات يوم واحد
المهم بقي ندخل ف التقيييييييييييل
====================

بصوا بقي انا من قريب كده للاسف بدأت اسمع عن موضوع غزه و الحصار و اتصدمت انه من 7 شهور و انا لسه عارفه عنه من بالكتير شهر يمكن عشان كنت للاسف مش متابعه للاخبار عموما يعني و الدنيا ماشيه ازااااااااااي
المهم حسيت ساعتها احساس غريب يمكن بالذل و الضعف اللي وصلنا ليه ان احنا رايحين نستنجد بالمجتمع الدولي عشان ينقذوا اخواتنا هناك
صحيح العالم كله المفروض يكون ضد اللي بيحصل لكن هل وصل بينا الضعف و الهوان ان احنا نروح لغيرنا يجيب حقوقنا و يدافع عننا
====
يوم ما ييجي أولمرت يقول في ما معناه لاني مش فاكره نص الكلام بالظبط ان الفلسطينيين يقللوا استهلاك الوقود و بلاش يركبوا عربيات ممكن يركبوا حمير

لا تعليق بجد
اللهم لا تحكم فينا اعدائنا
====
يوم ما نروح نتفاوض مع اليهود بمعني اخر نتحايل عليهم عشان يدخلو لأهلنا ف غزه وقود بدل ما نكون ف موقف عزه و نطالب ان ده حق اهلنا ف غزه و ان احنا مش بنشحت من حد

يوم ما يسكت كل العرب عن اللي بيحصل و يكتفوا ببعض مكالمات تليفون للمباحثات و المناقشات و اهلنا هناك بيموتوا احساس غريب بالضعف
===========
انا بجد مش قصدي كأبه بس ده احساس جوايا اوي بس في امل و كلمه سمعتها كل ما احس باليأس من الموضوع ده افتكرها

انا مش فاكره الحديث اوي بس الكلمه اللي علقت معايا ان الرسول صلي الله عليه و سلم ف احد دعواته اللي ربنا اجبها

ان الله لا يجعل هلاك الامه علي ايد اعدائها

شعاع نور ف وسط الحزن

اكيد لينا دور ف اللي بيحصل

السلام عليكم ورحمه الله و بركاته

الميل ده وصلني حسيت انه لازم يوصل لكل الناس
===============
السلام عليكم أعتقد ان معظمنا يعرف اللى حصل و بيحصل فى غزة و للى مش يعرف غزة فى حصار من فترة و قصف مستمر راح ضحيته العشرات و آخر حاجة اتقطعت عنهم الكهرباء يا جماعة عارفين يعنى مفيش كهربا يعنى ضلمة و برد و الأخطر المستشفيات مش فيه كهرباء تشغل الأجهزة ...الوضع مأساوى تخيلو ليلة واحدة ممكن نقضيها من غير كهرباء دلوقتى و بعد ما عرفنا اللى بيحصل لازم يكون لينا دور دى اقتراحاى و اللى عنده حاجات تانية يا ريت يبعتها : الدعاء بشكل ثابت الصدقة بنية داوو مرضاكم بالصدقات صوم يوم تضامنا متابعة الأخبار نحكى للى مش يعرف عن اللى بيحصل الاستغفار طبعا المقاطعة و اللى يعرف منتج جديد المفروض نقاطعه يا ريت يقول عليه و حسبنا الله و نعم الوكيل
دينك دينك ..لحمك دمك

لو رجع صلاح الدين

ده شعر جالي علي الميل اثر ف نفسي اوي عن تخيل لصلاح الدين لو رجع دلوقتي

=====================
ناديته :قم لنا نحتاجك الان فنحن في نكبة تحتاج فرسان
فقال: هب انني لبيت صائحكم وجئت اقطع تاريخا وازمانا
وقمت من مرقدي حتى اعاونكم لكي تكون ذرا الامجاد مرمانا
هل تقبلون مجيئي في بلادكم؟؟ وهل اعود كما قد كنت سلطانا؟؟
اجهز الجند بدءا من عقيدتهم واشحذ العزم اخلاصا وايمانا
أثير في الناس طاقات معطلة وانصب العدل بين الشعب ميزانا
حب الشهادة في الاعماق اغرسه كي يصبح الفرد في الميدان بركانا
************ ********* ***************** ********* *
وقال لي والاسى يكسو ملامحه ولا يطيق لهول الخطب كتمانا:
قل لي بربك ان اصبحت بينكم أذاع عن عودتي التلفاز اعلانا؟؟
من في الملوك سيعطيني دويلته؟؟ ومن سيسعى للم الشمل معوانا؟؟
وان ابوا وامتطى كل حاكم حماقته قالوا:ملكنا.وقالوا الشعب زكانا
هل يملك الشعب ان يختار حاكمه ام اصبح الامر ميراثا وطغيانا؟؟؟
************ ********* ***************** ********* *
وقال لي : انكم بعتم قضيتكم باسم السلام استحال القوم فئرانا
سيفي سيؤخذ مني إن اتيتكم اما حصاني فلن يرتاد ميدانا
قد يشتريه ثري ربما دفعوه الى السباق به لا نحو اقصانا
وقد يموت اكتأبا في مزارعكم العجز يفتك بالاحرار احيانا
وربما الامن بعد البحث صنفني وأثبتوا انني كم زرت ايرانا
وسجلوا لي اعترافات حسبما رغبوا وصدق الناس بالالحاح بهتانا
وربما قال اهل الحكم في ثقة اني انتميت لمن يدعون اخوانا


كان هذا مقطع من قصيدة للشاعر وحيد حامد