الظلم

كان لحد وقت قريب معني الظلم مرتبط في تفكيري انه بس الظلم اللي في المحكمه بقي و الأفلام العربي القديمه اللي كلها تقريبا نفس القصه و النهايه السعيده ان البطل و البطله يعيشوا ف تبات و نبات و يجيبوا صبيان و بنات و كل المشاكل تتحل ف اخر لحظه سبحان الله . دي مش تريقه و الله بس فعلا باحس دايما النهايات السعيده .
فكرت أكتر بعد ما اتعاملت مع ناس أكتر و شفت ناس أكتر لقيت أنواع كتير من الظلم في حياتنا مش لازم أكون مريت بيهم كلهم الحمد لله بس فكرت فيهم ان هما ممكن يحصلوا و في منهم من قراياتي ف كتب عبد الوهاب مطاوع بجد كاتب راااااااائع ندخل في الموضوع بقي مثلا يعني:

1- قائد يحرم أعضاء الفريق من ابداء رأيهم و عدم تقدير مشاعرهم و عدم تقديرهم معنويا مش لازم بفلوس ان كان مؤسسه ربحيه او شركه يعني فيها جانب مادي.
2- أب و أم يحرم ابناءه من حقهم فيه و ان هو يراعيهم و يدي ليهم حقهم.
3- معلم يحرم الطلبه من حقهم في التعليم بأنه مش بيوصل المعلومه بأحسن شكل ممكن لمجرد الكسل و يحرمهم من حقهم عليه.
4- صاحب قناه يعرض أفلام و برامج و أغاني تضر أخلاق الناس لمجرد انه يكسب فلوس و يزود استثماره.
5- صديق لا يراعي مشاعر صديقه و يطلب منه ان يعطيه.
6- راعي لا يعطي لرعيته حقوقهم.
7- ناس تصدم غيرها و تقنعهم ان مافيش أمل و ان الحياه لونها اسود و طريقك مسدود مسدود.
8-فرد لا يتهم بأمور اخوانه و هم يقتلون و يذبحون و تهتك أعراضهم و هو كل همه نفسه و بس.

دي حبه صور كده فكرت فيها و قلت أشاركها معاكم يارب تكون عجبتكم