الأمان

ازيكم كده يا عيال كان في موقف حصل لي من فتره مش عارفه ايه اللي فكرني بيه دلوقتي بس فعلا فكرت فيه بعمق خصوصا ا ني عرفت حاجات كتير فسرت لي الموقف ده:
==========

مره في المصيف من سنه تقريبا و اختي كانت بتصيف هي كمان ف نفس الوقت ف كنا قاعدين مع بعض كده و بنخرج مع بعضينا المهم بقي كنت بنتمشي انا و هي اختي بقي و مش باعرف اخرج معاها كتير في القاهره عشان الكليه بقي و هي بتبقي مشغوله المهم روحنا معرض السياحه و التسول قصدي التسوق في المعموره و كان في معرض حلويات سوريه و جت واحده انا مش عارفه اشمعنا كلمتني انا يعني و فوجئت انها بتديني حلويات كانت كنافه بالفسدق و قالت لي ان هي اشترتها و مش قادره تكملها طبعا انا كنت في قمه السعاده كنافه و كمااان بالفسدق خلاص يا عيال زرق من السما بقي و جيت اكلها لقيت اختي بتقول لي مش اكلها و ماحدش عارفه ايه اللي ممكن يكون جواها و قعدت اتناقش معاها كتيييير و في الاخر طبعا حيث انها اختي الكبيره و انا مط ييييييعه كالعاده زي ما انتوا عارفين ف سيبتها و مش كلتها ساعتها كنت شايفه ان اختي شايفه ان الناس ممكن تؤذي غيرها من غير سبب و مقتنعه بكده و أنا كنت مش متخيله ابدا ان ممكن حد يؤذي حد من غير سبب
=======

فوجئت بعدها بفتره بالممرضات الأجانب في ليبيا اللي ادوا الأطفال حقن الإيدز، مجرد أطفال مش ليهم اي ذنب لكن فقط من مبدأ ان حديسبب الأذي لباقي الناس .
فكرت وقتها فين طبيعه الإنسان ، فين فطره الإنسان اللي المفروض انه بيرحم اخوه الإنسان و يخاف عليه مش انه يقتله و يضره من غيرذنب، فين الإنسان اللي المفروض يعمر الأرض مش يقتل الناس . ايه اللي ممكن يوصل الإنسان انه يقتل غيره لمجرد القتل بل بالعكس يعني أكيد بيدفع فلوس عشان علي الأقل يشتري الفيرس اللي يسبب الأذي لشخص غيره أو السلاح اللي هيقتل بيه