وقوع التمثال

مش عارفه ليه يا عيال افتكرت كده من قريب وقوع تمثال الرئيس صدام حسين رحمه الله "مهما كان انسان مسلم"

ماحدش يفهم انا باحب صدام او باكرهه و دا مش عاوزه اقوله اللي ضايقني منظر وقوع تمثال صدام حسين في ميدان افردوس ببغداد بعد دخول الأمريكان العراق و فرحه من بعض أهل البلد بهذا المشد اعتقادا منهم بالتحرير و انتهاء الظلم و لم يخطر ببالهم ان الاتي اسوء مما مضي علي يد صدام حسين سواء كان حاكم ظالم أو عادل

حسيت مع وقوع التمثال مش مجرد تمثال وقع حسيت انه وقع معاه عزه و كرامه شعب و أمه مش تمثال بس هو اللي وقع
مهما كان حاكم ظالم او عادل كان مش صح ان احنا ندخل بينا عدو همه يقتلنا و ياخد أرضنا و بلادنا لا يراعي فينا ذمه و لادين و لا يخشي الله فينا و ان احنا نرحب بيهم و نقف معاهم ضد بعضنا البعض

أيضا مشهد قتله و اعدامه في العيد الكبير بعد الصلاه حسيت بقدر كبير من الإهانه و استفزاز مشاعر العرب و المسلمين و الحكام العرب كالعاده ..... ليس مجرد اهانه لشخص الرئيس السابق لكنها اهانه للحكام العرب و كل عربي لان الحاكم مهما كان هو رمز ، رمز لشعبه ، رمز لأمته