20 :d

مش عارفه ليه النهارده كده جت لي خاطره خير اللهم اجعله خير كده يعني ان انا قربت اكمل ال 20 سنه و ماحدش يفهم غلط اني كملتهم لسه شهر اكتوبر الجاي ان شاء الله
مش عارفه ليه حسيته رقم كبييييييييير اوووووووووي عايشه بقالي 20 سنه عظيييم ، كان دايما من و أنا طفله بريئه كنت شايفه ال عندهم 20 سنه حاجه كتير اوي و ان فعلا لما يكون عندي 20 سنه هابقي عايشه بقالي كتير اوي 20 سنه عايشه كده يا ناااااااس
المهم قلت احاول اعمل حاجه ايجابيه في الموضوع و قررت اني اشوف ايه الايجابيات و السلبيات اللي عملتها في اللي قربوا يبقوا 20 دول و أحاول فعلا أصلح نفسي و أفيد غيري

طبعا مقتنعه تماماااا ان عمر الانسان مش بس بالأرقام اللي عاشها لكن بالعمل اللي تركه بعده في ناس عاشت 100 سنه بس مش اثرت في غيرها و في ناس عاشت و لو 20 سنه اثروا في غيرهم و خدموا دينهم زي محمد الفاتح فتح القسطنطينيه و عمره 23 سنه و محمد القاسم فتح الهند و السند و عمره 17 عام و طبعا الصحابه الكرام جزاهم الله عنا كل خير و يارب يجمعنا بيهم في الجنه ان شاء الله

يالا اللي كمل 20 و اللي مش كمل يقعد يحاسب نفسه كده صحيح العمر اللي فات مش ممكن يرجع بس في عمر جاي ان شاء الله و ان اراد الله غير ذلك في نيه