المدينه الفاضله :d

من فتره كده يا عيال في لحظه تجلي و ما أكثر لحظات التجلي طبعا اكيد مش مع أفلاطون كنت لوحدي يعني قلت اتخيل الدنيا اللي انا باحلم أعيش فيها ممكن تكون ازي و قعدت سرحت كده و فكرت كتيييييييييير لقيت أحلام كتر عاوزه كتييييير عشان ابعتها او اكتبها و تخيلت نفسي بقي عايشه فيها و شفتها قدام عيني مش عارفه ليه ، اللهم اعني علي ان اراها بعيني و تعيشوا فيها معايا بس في حاجات طبعا مش ينفع أقولها

حلمت بحسن الظن هو السائد بين الناس

حلمت بروح المساعده و الناس بتساعد بعضها حتي اللي مش يعرفوه

حلمت بكل الناس تلقي صحبه صالحه زي صحابي

حلمت بالمساجد عامره باالمصلين وقت صلاه الجماعه و خاصه الفجر

حلمت بأمه حافظه القران الكريم و عايشه بيه عملا مش كلام بس

حلمت بشوارع فاضيه من الناس وقت الصلاه الرجال و الشباب و الأطفال في المسجد

النساء كل واحد مع جاراتها في العماره عاملين صلاه جماعه و درس ديني بعد الصلاه في بيت واحده منهم

حلمت بأطفال الطفل ب1000 رجل ينصر أمته

حلمت بصلاه في المسجد الأقصي

حلمت بجيل يفتح العالم و ينشر الإسلام

حلمت بالجنه تسكن القلوب

حلمت بان الأمر بالمعروف و النهي عن المنكر من سلوك الناس

حلمت بأن كل شيء استعمله في حياتي صناعه اسلاميه

حلمت بقاده ربانيين

حلمت ببسمه علي وجوه الناس

حلمت بالحب في الله سلوك الناس

حلمت بغض البصر بين الناس

حلمت باليقين في الله

حلمت بكل عائلات امتي عائلات مترابطه مثل الجسد الواحد

حلمت بأنه لا يوجد فقير في بلادي

حلمت برؤيه بلادي أجمل بلاد العالم

حلمت بجيران يعيشوا كعائله واحده

ملحوظه: مش معني كده بقي اني 100% و المشكله مش فيه لكن باحاول أصلح نفسي و أصلح الناس

صعب

احساس صعب اوي
وقت ما تحسي ان انسانه عزيزه عليكي في مشكله و مش عارفه تساعديها

و هي دايما معاكي و بتساعدك

يااااااارب أعنها و فرج كربها
اللهم اسعدها ياااااااااااارب

الضمير العربي

في أوبريت شفته اسمه " الضمير العربي"
لمطربين كده كتير من كل العالم العربي ، رغم اني مش باسمع حد من اللي بيغنوا فيه بس مش عارفه ليه لما سمعته أثر فيه اوي ، حسيت كلماته قويه أوي و فيه مشاهد فعلا انا كنت مش قادره اتفرج عليها من اللي فيها كل ده بيحصل ، ناس تموت و تتعذب و ....


دي كلمات كانت فيها عجبتني اوووووي:

يا أمه صحي الهمه وصلي صوتك للكون
قتلوا رموز الأمه و لا حرك فينا سكون
====
مات الإحساس و لا احنا اللي أموات
و لا ضمير العالم خلاص احساسه مات
====
اصحي يا أمه يا عربية
====
الله يا الله عاثت بنا الأعداء
ناديت يا الله ما خاب فيك رجاء
أيقظ ضمير الأمه رجع بها الإحساس
يا رافع الغمة صحي ضمير الناس
====
و ضمير العالم ضايع
====
ماتت قلوب الناس ماتت بنا النخوه
يمكن نسينا ف يوم ان العرب اخوه
====
صحي قلوب الناس صحي بنا النخوه
اصرخ بكل احساس ان العرب اخوه

-1اخواتي الفظااااااااع

السلام عليكم و رحمه الله و بركاته
يا عيال عاوزه المره دي عن اخواتي بقي الفظاع الحمد لله بجد باحبهم اوي يا عيال مع ان كل واحد فينا ممكن يكون ليه أفكار شويه غير التاني و طريق تاني ف حياته و حلم تاني بس بحبهم اوووووووي ربنا ما يحرمني منهم و لا يحرمهم مني طبعا علي قلبهم ان شاء الله صحيح هم اتنين بس :

1- وسام: اختي الكبيره حدوتي احم قصدي قدوتي يعني اكبرمني بحوالي 11 سنه كده بس مش باحس بكده خالص هي صحيح عاقله كده و رزينه كده لما بجد باكون مش عارفه اتصرف ازاي او حاسه بمشكله باروح اكلمها و بتحاول تبص للموضوع من وجهه نظري و تفكيري اللي هو ممكن يكون غيرها و بتحكي لي بقي برضه كانت بتتصرف ازاي و لطيفه كده بتقعد تهرج اوي يمكن في وقت ما بعدت عنها عشان كان تقكيري غير تفكيرها لكن فوجئت بالعكس و ان هي بتفكر زيي ساعات و بتحاول تبص للموضوع من تفكيري حتي لو بنرغي مع بعضينا .

بتقعد بقي تحكي لي عن أيام الجامعه و الدكاتره اللطاف اللي بيدونا و المذاكره اللطيفه و الامتحانات و اصحابها و مواقفها مع قرايبنا و مواقف في الشغل و انا طبعا باحكي لها عن اصحابي الفاقدين بقي و الكليه الظرررررررريفه اللي علي طوووول بنقعد ف البيت و مش بننزل خالص من الساعه 8 لحد 5 و نص لدرجه ان احنا مره صعبنا علي معيد و كان مش متخيل ان احنا نقعد لحد 4 ف قلنا له لا دا لحد 5 و نص شباب مكافح صحيح.

مع انها مش من كليتي هي اداب انجليزي بس واضح انها نفس الشقاء، و لما جت درست للعيال في المدرسه و انا في ابتدائي كنت سعيده اوي ان هي معايا في مكان واحد كده و كنت صبعا مصاحبه المدرسين صحابها و خصوصا ان هما كانوا بيدرسوا لي في الفصل و كانت بتقعد تذاكر لي بقي و يا سلااااام لما نتفق علي الولد احمد اخونا يعني

و بما ان هي أكبر مني ف اتأثرت بيها كتير اووووي ف تصرفاتها و مبادئها يعني ممكن تكون برضه ربتني مع بابا و ماما يعني و أثرت ف شخصيتي كتييير و صاحبتها علياء كانت بتلعب معايا و تجيب لي لعب و هي جايه :d

هي دلوقتي عندها تحفتين قصدي بنتين عاوزين لهم متحف الانسه بانسيه ثانيه ابتدائي و الثانيه الأنسه جاسمن و اسم الشهرة ياسمين في أولي ابتدائي

يعني في اوقات كتير باحس ان هما اللي أكبر مني من حيث الحوار بيناقشوني ساعات في حاجات ممكن اكون باتكلم فيها مع العيال الفاقدين صحابي بجد تحف و طبعا بنتشارك تبادل الكارتون علي الكمبيوتر و مواعيد الكارتون في
و باقي القنوات يعني بنتناقش في أمور الشعب برضه و يبيفكروني بعيد الأم و مقدرين الزهايمر MBC-3
صحيح العيال دول و الحمد لله مش عندهم أي ألقاب زي ما أنا عودتهم يعني مافيش طنط و لا خالتو و لا الكلام ده خااالص في ايه ، أيوي ، و في اسم كده عجيب هاعرف الأول بيتكتب ازاي و بعديت اقوله ليكم و ياحبذا لو قعدت أذاكر لبانسيه يا سلاااااام قمه الهدوء و الاستقرار و مش بنهزر خالص و العكس صحيح طبعا

ربنا يبارك فيهم ياااااارب و ينبتهم نبات حسن و يبارك لي في وسام صحيح المره الجايه علي أحمد حماد أخويا التاني و بلا فخر يعني

الظلام و لا النور

السلام عليكم و رحمه الله و بركاته ازيكم كده يا عيال عاملين ايه؟ بقالي كتير مش رغيت علي البلوج بس طبعا مش حرماكم في الكليه و التليفون و الماسنجر عشان ماحدش بيقي ليه حجه و تقولوا بقي اني بعدت عن الكاميرات و الجرايد و المجلات و محطات الاخبار تقول اني بعدت عن الوسط الحاسباتي
===========
عاوزه ارغي لكم المره دي عن معني جميل اوي يا عيال ألا و هو ايه بقي نبدأ ركزوا بقي مش توجعوا قلبي كالعاده : ان الواحد لو عنده حلم و عنده طريق عاوزه يمشي فيه بس هو شايف الطريق صعب اوي رغم ان ده حلمه الناس في الوضع ده حالتين:

1- واحد يصر علي حلمه و انه هيكمل في طريق مهما كان و يستعين بالله و يأخذ بالأسباب و ينجح حتي لو مش شاف نتيجه نجاحه في حياته يكفي ان حلمه اتحقق حتي لو بعد مماته و مات و هو مرتاح عشان كان عنده هدف في حياته و لو عاش و شاف حلمه بيتحقق ياسلام يبقي في قمه سعادته. 2- للأسف بيترك طريق حلمه و يشوفه صعب و مش ممكن يوصل له و يرضي بمكانه القليل رغم انه ممكن يوصل بشويه مجهود لكنه مش بيحاول يوصل. الكلام ده ينطبقي عليه قصه سمعتها في برنامج خواطر شاب-3 بتحكي ف الموضوع ده:

تخيلوا مثلا واحد ضاعت محفظته و بيبحث عنها في مكان فيه نور و جه واحد يساعده ف بيسأله انت عارف هي ضاعت فين، فقال له هناك و شاور علي مكان تاني غير اللي بيبحث فيه، قام قال له الثاني انت ليه مش بتبحث هناك، قال له عشان هناك ظلام مافيش نور

يعني ايه يعني: يعني هو ترك الطريق الصعب مع انه هو الصح و هيوصله لهدفه لكنه تركه و بذل مجهود في الطريق السهل مع انه مش هيوصله لحلمه اللي هو عاوزه و بيحاول يحقق أي حاجه.

خدعوك فقالوا

ممكن؟

يا هاجري ظلماً بغيرِ خطيئة ٍ هلْ لي إلى الصفحِ الجميلِ سبيلُ ؟

ملحوظه: البيت ده للبارودي