خدنا الكااااااااااااس-1

أيييييييييييييييييها الشعب الحبيب الصبور المهاود
" انجي فكرتني بالقدمه دي ف عجبتني اوي"
طبعا انا عارفه اني مش كتبت بقالي كتير علي المدونه و اكيد ياعيييني الشعب حس بالفراغ و مش عارف يعيش عشان انا مش كتبت بقالي كتير
===========
هاتكلم المره دي عن الكاس اللي خدناه و ماحدش يفهم غلط اني كرويه انا معرفتي بالكوره زي معرفتي باللغه الصينيه بالظبط ا و الحمد لله أقصي معرفتي بكره القدم ان هما 11 لاعب و ان الجون بييجي لما دح يدخل الكوره ف الشبكه و اللي يدخل اكتر طبعا هو اللي كسبان
المهم كان في كده من كام يوم اخر ماتش و ده اللي هيحدد مين اللي هياخد الكاااااااااااس و مش اي كاس لا دا كاس الامم الافريقيه.

المهم كنت مش ناويه اتفرج كالعاده و بس اشوف النتيجه بعد الماتش و قلت اكلم العيال رفقاء الكفاح فوجئت خير اللهم اجعله خير الناس كلها بتتفرج علي الماتش ماعد ايات تقريبا
قمت انا طبعاااا سخنت و قلت انا كمان هاتفرج و امري لله مع ان ماحدش ف البيت عندي ليه ف الكوره برضه
استعنت بالله كده و جبت الماتش صحيح كنت قاعده بالعب جيمز علي زينه ف الاول بس لما الوقت بدا يعني و الشوط الاول قرب يخلص مش قدرت قمت فقلت زينه و ركزت بقي و معلوماتي الكرويه زادت ب اني عرفت ايه هي الضربه الحره المباشره.

المهم يا عيال مع ان ده تقريبا اول ماتش كامل اشوفه ف حياتي بس ماقدرتش مش اتفرج حسيت كده احساس غريب ان دي مصر اللي بتعلب و لازم اتفرج مع اني ضد كل الهيصه اللي حصلت بزيااااااده دي و احوال المسلمين دلوقتي بس برضه مش قدرت مش اتفرج و كنت باتضايق اوي لو حد منهم ضرب حد من الفريق بتاعنا ، كنت حاسه ان شبه ماتش مصارعه كانوا ياعيني كل شويه الاقي حد من بتوعنا علي الارض مش عارفه قال زيدان و عمرو ذكي " طبعا الاسامي دي كلها عرفتها من الماتش ده" و بعد كده أحمد انضم ليه و كان في شبه استاد ف البيت و بابا بقي و ماما بس و اكتشفت ف ماما ان هي مشجعه كرويه جاااامده اوي و بابا عاوزنا نخسر عشان الهيصه اللي بزياده بعد الماتش و حال الدنيا يقف و انا بصراحه معاه ف الموضوع ده

صحيح جمييييييييييل جدا ان احنا نتفوق ف الجانب الرياضي و ان ده احد المجالات اللي الدول الباقيه بتركز فيه بس مش معني كده ان حياتنا تقف و الشوارع تفضي و المحلات تقفل و الناس تسهر و تروح الشغل و حياتها متأخره بتحتفل بالماتش و كل لاعب ياخد مبلغ و قدره و الله مش حقد علي حد و هما فعلا يستاهلوا يعني انا تخيلت اني ف مكان واحد منهم فعلا موضوع يبوظ الاعصاب بس برضه مش لدرجه ان كل واحد ياخد مبلغ و قدره و ف نفس الوقت في ناس مش لاقيه تاكل و نقول اصل مافيش فلوس احم كفايه بقي كلام ف الزيازه

لما الجون جه يا عيال مش قادره اوصف سعادتي كنت فرحانه اوي و جيت علي اخر دقيقه كنت خلااااص عاوزه الوقت يخلص بقيعلي نفس النتيجه عشان ناخد الكااااااااااس
=============
للحوار بقيه ايها الشعب

اعلي احساس

هاقول ليكوا علي حاجه يا بنات احساس جميل انتوا عارفين طبعا ان انا مشاعريني رقيقه لا بجد احساس جمييييييل
لما تكوني بتحبي حد " من صاحباتك يعني" و يكون الحب بينكم مش محتاج كلام
احساس من غير كلام
تحسي ب اللي هي عاوزه تقوله من غير ما تتكلم و لو قالت كلام مش واضح عن احساسها لحد تبقي عارفه ان هي تقصدك
اعتقد ان ده فعلا هو اعلي درجات الصداقه و الحب في الله خاصه ان كانت بتساعدك علي تحقيق احلامك

اللهم ادمها علي نعمه
يارب يا عيال كده يجمعنا دايما مع بعض علي خير و ف الفردوس الاعلي

اعتذاااااااااار خاص

تــووووووووووووووووووووتـي
تـوووووووووووووووتـي
تووووووووتي
تووووتي
توتي




انا اسفه مش تزعلي مني

اعتذار

انا اسفه لو كنت ضايقت اي حد الفتره اللي فاتت بس بجد كنت ملخبطه كده شويه و كانت فتره عجيبه الحمد لله

ماحدش ينسي يدعي لي اللي هتنسي مش عارفه هاعمل ايه اكيد هاخد موقف لا لا مش عارفه موقف و لا مقعد

هههههه
سخيفه اوي :d

علل و أدويه

منقول عن بلوج الانسه الموكوسه يازززززززمين جميييييييييييل اوي و اثر ف نفسيتي يا بنااااااااااااات:
============
يقول بن القيم:

"إن في القلب شعثا ( تفرق وتمزق) لا يلمه إلا الإقبال على الله، وعليه وحشة لا يزيلها إلا الأنس به في خلوته، وفيه حزنا لا يذهبه إلا السرور بمعرفته وصدق معاملته، وفيه قلقا لا يسكنه إلا الاجتماع عليه والفرار منه إليه، وفيه نار حسرات لا يطفئها إلا الرضا بأمره ونهيه وقضائه ومعانقه، الصبر على ذلك إلى وقت لقاءه."

ملحوظه:

طبعا ياززمين هترد عليه و تقول لي "كتك نيييييله" :p

التاريخ

ازيكم يا بنات كده ايه اخباررررررركم
الاجازه قربت تخلص انا عاوزه اجازه زيها تاني بقي
المهم يا اطفال كده بقاالي فتره كده باحب اقرا ف الشخصيات التاريخيه و خاصه الشخصيات الإسلاميه و حياه الصحابه و توصلت لموقع جميل اوي كده بيشرف عليه د موسي الشريف
المهم لقيت عليه حاجات جمييييييله اوي و مقالات تحفه
لقيت جمله ف الموقع جذبت انتباهي اوي
"أمه لا تعرف تاريخها لا تحسن صياغه مستقبلها"

الجمله دي أثرت ف نفسيتي اوي و شجعتني اكتر اني اكمل ف الموضوع ده
بجد حسيت ان الشخصيات دي لازم نعرف عنها حتي ممكن ناخدها قدوه ف بعض جوانبها حسيت فيها قد ايه اجدادنا ف التاريخ الاسلامي ناس عظماء اوي و ممكن ناخدهم قدوه
كنت قريت كده من فتره عن شخصيه سيدنا عمر بن الخطاب و عثمان بن عفان و خالد بن الوليد بجد كنت منبهره بالشخصيات دي كل واحد كان مميز بجانب في شخصيته و كنت هاعيط اني ازاي كنت مش اعرف حاجه عن الناس العظيمه دي ازاي الناس دي كانت ناجحه ف حياتها و عاشت حياتها ف رضا ربنا سبحانه و تعالي و عاشوا بسعاده رغم ان الحياه اكيد فيها صعوبات و حياتهم كانت مش سهله من جهاد و فتن بس و ف نفس الوقت الدنيا مش متملكه من قلوبهم و قلبهم متعلق بالجنه
و اكيد طبعا اهم قدوه لينا الرسول صلي الله عليه و سلم و سيرته اللي بجد لما سمعتها ف علي خطي الحبيب كنت للاسف اول مره اسمع السيره كده بجد قلبت حياتي 180 درجه

حسيت ان احنا مش ممكن نقدر نبني مستقبل لامتنا تاني من غير ما نعرف عن الشخصيات دي و ناخدها قدوه لينا و نبني امتنا تاني زي ما هما بنوا الامه قبل كده
كنت سمعت كده من فتره ان الغرب عشان حضارتهم مش قديمه و مش عندهم شخصيات زي اللي عندنا اخترعوا شخصيات زي بات مان و شخصيات يربطوا الناس بيها لكن الحمد لله ان احنا عندنا مثل الشخصيات دي

اللهم اجعلنا علي خطي المصطفي و اجمعنا به و أهله و أصحابه في الجنه

دي لينكات حلوه يا بنات
http://altareekh.com/new/doc/index1.php
http://www.islamstory.com/elsergany/default.aspx

يااااااااااارب

يــا رب فى غزة عباد لك فى أرض الرباط أرض مسرى حبيبك تحت الحصار فى البرد القارص والظلام الدامس فى الجوع الملهف , والعطش المجحف تحت سمع وبصر العالم أرحمهم يا رب أكرمهم يا رب أطعمهم يا رب أسقيهم يا رب أشفهم يا رب آوهم يا رب أرسل لهم من عندك مددا ..
آمين يا رب العالمين ..

منقوووووول